Madonna dhe ish-burri e lënë pas të shkuarën, ribashkohen për ekspozitën e djalit të tyre

Madonna u shfaq në një front të bashkuar me ish-bashkëshortin e saj Guy Ritchie dhe djalin e tyre Rocco për herë të parë që nga viti 2008, të premten në mbrëmje.  Ribashkimi erdhi si një surprizë për fansat e “ Mbretëreshës së Popit ”, pasi ish-çifti u ribashkua për të mbështetur Roccon në ekspozitën e tij të fundit të artit, të titulluar “Talk Is Cheap”, duke organizuar një festë hapëse në një depo studiosh në Soho. Rocco, 25 vjeç, po e ndërton karrierën e tij në mënyrë të pavarur nën pseudonimin Rhed, duke zgjedhur të fitojë njohje për punën e tij në vend që të mbështetet te emri i tij i famshëm. Për ata që nuk e dinë, Madonna dhe Guy u martuan në dhjetor të vitit 2000 dhe u ndanë në vitin 2008. Ish-çifti u pa duke biseduar brenda lokalit dhe dukeshin në marrëdhënie të mira. /Klankosova.tv