“Vritini të gjithë”, Shteti Islamik kërcënon katër stadiumet ku do të luhen ndeshjet çerekfinale

Shteti Islamik ka kërcënuar këtë të hënë katër stadiumet që do të presin ndeshjet e para çerekfinale të Ligës së Kampionëve.

Fondacioni Al Azaim, një medium që është përgjegjës për shpërndarjen e mesazheve nga Shteti Islamik (Daesh, ISIS), ka bërë publike imazhin e një posteri që kërcënon Parc des Princes, Santiago Bernabeu, Metropolitano dhe stadiumin e Emirateve, me mesazh 'Vritini të gjithë'.

Sulmi i fundit nga Shteti Islamik ndodhi më 22 mars në Sallën e qytetit Crocus, një sallë e madhe koncertesh në Moskë, raporton AS, transmeton Klankosova.tv.

Delegacioni qeveritar i Madridit ka aktivizuar dy pajisje sigurie përpara ndeshjes së dyfishtë të Ligës së Kampionëve këtë javë në kryeqytetin e Spanjës.

Të dy ndeshjet, Real Madrid-Manchester City dhe Atletico-Borussia Dortmund, janë shpallur me rrezikshmëri të lartë nga Komisioni Kundër Dhunës dhe do të përfshijnë më shumë se 3000 trupa mes tyre.