Vret tre djemtë, pretendonte se burri i donte më shumë se vajzën

  Një grua nga qyteti Bellefotntaine në Ohio, të martën kishte telefonuar policinë, për të treguar se djali i saj kishte vdekur. Disa orë më vonë, ajo ka pranuar se e ka vrarë atë së bashku me dy djemtë e tjerë para disa muajve, sepse sipas saj burri e kishte injoruar vajzën e tyre. Brittany Pilkington, tani është në burg dhe është e akuzuar për vrasjen e tre fëmijëve të saj, transmeton Klan Kosova. Policia tregojnë, se ata kishin shkuar në apartamentin e kësaj familje të martën, pasi që Brittany kishte telefonuar për të treguar se djali i saj tre muajsh nuk merrte frymë. Ajo më pas ka treguar, se të tre fëmijët e saj (më i madhi katër vjeçar), i kishte vrarë duke i’a ndalë frymën me batanije. “Në mendjen e saj ajo po e mbronte vajzën e saj, sepse ajo mendonte se burri i saj nuk e donte atë aq sa djemtë”, është shprehur një oficer i policisë. Vajza e saj tre vjeçare tashmë është dërguar në spitalin e fëmijëve.