Lajmet e fundit
Instituti UKK analizoi modelet e aktivitetit, formën fizike dhe shëndetin e më shumë se 4 000 finlandezë, të moshës 20‑69 vjeç, në periudhat 2017‑2019 dhe 2021‑2022.
Rezultatet treguan se individët që kalonin më shumë orë shtrirë kishin një perimetër më të madh të belit dhe një rrezik më të lartë për sëmundje kardiovaskulare.
“Më parë, thuhej pa mëdyshje se të qëndruarit ulur ishte e dëmshme dhe se qëndrimi në këmbë mund të ishte i dobishëm për shëndetin e njerëzve.”
Studimi i ri tregon se të qëndruarit ulur për periudha të shkurtra, me ndërprerje çdo 20‑30 minuta (p.sh., për të pirë një kafe), mund të përmirësojë metabolizmin dhe shëndetin e zemrës.
“Të gjitha format e të qëndruarit ulur nuk duhet të demonizohen siç ka ndodhur në të kaluarën.”
Megjithatë, përfitime të ngjashme nuk u vërejtën për ata që shtriheshin ose pushonin, edhe nëse e bënin këtë rregullisht. “Pavarësisht pozicionit që mbani kur shtriheni ose mbështeteni, kjo gjithmonë ka një efekt të dëmshëm në shëndetin e zemrës,” shtoi Vasankari.
Hulumtuesit përfunduan se periudhat e shkurtëra të ulur, të kombinuara me ecje ose qëndrimin në këmbë herë pas here, nxisin nivele më të mira kolesteroli dhe një bel më të hollë. Në kontrast, pushimi i tepërt çon në nivele të pafavorshme të yndyrës dhe një metabolizëm më të ngadaltë.
●●●
