Vodhi trurin nga një institut mjekësor dhe deshi ta shesë në Ebay

Një djalë është burgosur pasi që ka hyrë në një institut mjekësor, e ka vjedhur dy kavanoza ku ruheshin dy truri njeriu, dhe ka tentuar që t’i shesë në Facebook e E bay si dekorime për natën e shtrigave apo Halloween. 23 vjeçari David Charles, është dënuar me 4 vjet burgim për shkak se ka vjedhur trutë nga Muzeu Mjekësor Historik në Indiana të Amerikës, raporton Mirror, transmeton Klan Kosova. Charles ka hyrë me forcë në muze i cili dikur ishte spital për të sëmurët mendorë, disa herë gjatë muajit shtator të vitit 2013. Ai kishte vjedhur shumë gjëra brenda muzeut, kanë bërë të ditur punonjësit e këtij instituti, Sipas raportimeve të mediave lokale në Indiana, ai kishte provuar që t’i shes të gjitha gjësendet në rrjete sociale. I riu kishte shkruar në profilin e tij në facebook në tetor të vitit 2013 se po shet tru njeriu për halloween, nëse dikush është i interesuar që të blejë. Ky muze dikur kishte shërbyer si spital që u ofronte pacientëve të sëmurë mendorë shërbime psikiatrike nga vitit 1848 deri në vitit 1994. Sipas policisë, vlera totale e kavanozave ku ruheshin trutë, është rreth 3175 funta. Charles është arrestuar në dhjetor të vitit 2013, pasi që “mallin” e tij ua kishte shitur disa personave, dhe një njeri në San Diego e kishte lajmëruar policinë për tu ankuar se kishte blerë në E bay dhe s’e kishte marrë atë për të cilën kishte paguar.