Visar Kastrati dhe Mervan Bejtullahu ndajnë drejtësinë në UEFA Conference League

Federata e Futbollit të Kosovës, ka njoftuar se edhe gjyqtarët Visar Kastrati dhe Mervan Bejtullahu, do të ndajnë drejtësinë në dy ndeshjet e UEFA Conference League.

Sipas FFK-së, Visar Kastratit i është besuar nga UEFA ndeshja e raundit të dyte të Conference Leauge, Zurich – Shelbourne.

Në ndeshjen e cila do të zhvillohet në stadiumin “Letzigrund” të Zurihut, gjyqtarin Kastrati do ta asistojnë Granit Hyseni dhe Besnik Morina, ndersa gjyqtar i katërt do të jetë Valon Bajgora.

Ndërkaq, Mervan Bejtullahut i është besuar nga UEFA ndeshja e raundit të dyte të Conference Leauge, Banik – Urartu.

Në ndeshjen e cila do të zhvillohet në stadiumin “Mestski” të Ostavas, gjyqtarin Bejtullahu do ta asistojnë Lumturije Muhadri dhe Arbnor Bullatovci, ndersa gjyqtar i katërt do të jetë Alban Shala.