Vinicius flet për të ardhmen te Real Madridi

Sulmuesi brazilian, Vinicius Junior, ka reaguar për herë të parë lidhur me të ardhmen e tij te Real Madridi. Futbollisti, kontrata e të cilit skadon në verën e vitit 2027, deklaroi se aktualisht është i fokusuar vetëm te Kombëtarja e Brazilit dhe Botërori 2026. “Jam i përqendruar te kombëtarja. Për gjithçka që lidhet me Real Madridin do të flas pas Botërorit”, tha Vinicius. Ylli brazilian realizoi 21 gola në 51 ndeshje sezonin e kaluar dhe mbetet një nga lojtarët më të rëndësishëm të skuadrës madrilene. Drejtuesit e klubit pritet të intensifikojnë bisedimet për rinovimin e kontratës pas përfundimit të Botërorit. /Klankosova.tv