Veproni kështu për ta larguar stresin

Një raport i ri ka zbuluar se pirja e dy filxhanëve çaj në ditë mund t’ju ndihmojë të ndiheni më pak të stresuar dhe të flini më mirë. Zbulimi, i cili shqyrtoi 33 studime të ndryshme, duke përfshirë tetë prova te njerëzit, u krye nga Paneli Këshillues i Çajit dhe u shkrua nga ekspertë në të ushqyerit dhe mirëqenie. Ata zbuluan se disa lloje çaji mund të përmirësojnë gjumin dhe të menaxhojnë stresin, transmeton Klankosova.tv. Sipas hulumtimeve nga Britania e Madhe, ShBA dhe Holanda, një në katër të rritur nuk bën 7-9 orë gjumë të rekomanduar çdo natë. Dr.Tim Bond, i cili shkroi studimin e ri, tha: “Hulumtimi ynë ka zbuluar se një numër befasues i llojeve të ndryshme të çajit mund të ulë stresin dhe të çojë në gjumë dhe relaksim më të mirë. Infuzionet e çajit bimor janë ndoshta më të njohura për vetitë e tyre qetësuese, por studimet konfirmojnë gjithashtu se çaji jeshil, filxhani tipik britanik kanë një efekt në marrjen e vetëm dy filxhanëve në ditë”.