Vendimi i Gjermanisë, azilantët mund të punojnë më shpejt (VIDEO)

Fatkeqësia e së hënës në një kantier ndërtimi në Hamburg, çoi në këmbë qeverinë gjermane. Shembja e skelave qe fatale për katër shqiptarë nga Shqipëria, derisa një tjetër ndodhet në komë. Kjo shtyu autoritetet gjermane që të paralajmërojnë ndryshime në ligjet e punës për azil-kërkuesit, meqë të gjithë viktimat ishin emigrantë. Sipas ministres së Punëve të Brendshme në Gjermani, Nancy Faeser, ky shtet do të shikojë mundësitë për t`i futur më shpejt në punë azil-kërkuesit në mënyrë që përveç përfitimit të shtetit nga puna e tyre, edhe ata të mund të mbajnë vetën e tyre. Faeser propozoi që azilantëve t`u lejohet të punojnë pas 3-6 muajsh nga 9 sa është aktualisht. Por edhe radikalizim të masave për kontrabandistët. Për të luftuar këtë kategori, Faeser njoftoi se policia do të ketë të drejtë t`u përgjojë telefonat. Përjashtim bëjnë ata që vijnë nga siç u tha ‘vendet e sigurta’, të cilët në asnjë mënyrë nuk u lejohet të punojnë. https://www.youtube.com/watch?v=4b2DTfSX-uo