Dosjen që e dorëzuan dy muaj më parë, shkuan ta trashin edhe më shumë.
Lidhja Demokratike të mërkurën ua shtoi 17 kallëzimeve penale të 8 majit në Prokurorinë Speciale, edhe aktgjykimin e Supremes për shfuqizimin e udhëzimit për arkat fiskale të së martës, raporton Klan Kosova.
Prova shtesë, për këtë subjekt politik, e shfaq mentalitetin anti-kushtetues të Vetëvendosjes.
Efektet e krejt normave të nxjerra jashtëligjshëm, po kanë pasoja për LDK-në, e pushteti sipas tyre ilegal, nuk po e çan kokën.
Të bindur në parregullsi janë edhe Partia Demokratike, që lirimin e zyrave qeveritare nga ish-kabineti qeveritar e lypin nga 15 prilli.
Qeverisë kujdestare i apelojnë t'i ndalë sulmet ndaj gjyqësorit, pasi vendimet e këtij të fundit janë “amin” në çdo shtet demokratik.
https://www.youtube.com/watch?v=ZUcAk-3hLck
●●●
GSHKRIMI NGA
G.U
Editorial nga Klan Kosova — ndjek video lajme dhe zhvillimet e tjera kryesore të vendit.
