Vëllaznimi dush të ftohtë Gjilanit, kalon në çerekfinale të Kupës

Vëllaznimi e ka bërë befasinë duke e mundur Gjilanin 2:1 për të kaluar në çerekfinale të Kupës së Kosovës. Njëherë fituesi I kësaj gare kaloi në epërsi përmes Viktor Kukës në minutën e 23-të të ndeshjes dhe me këtë rezultat skuadrat shkuan në pushim. Norik Krasniqi dyfishoi shifrat në minutën e 75-të të ndeshjes duke vulosur fitoren e gjakovarëve. E tëra që mund të bëjnë gjilanasit ishte një gol në minutën e 81-të të ndeshjes.