Vajzat e gratë po e përdorin me të madhe pilulën antishtatzëni - veçohen 18-22 vjeçaret (VIDEO)

Kontraceptivi emergjent nuk po përdoret vetëm për situata që edhe është i destinuar, mirëpo po abuzohet me të. Sipas profesionistëve shëndetësorë vajzat dhe gratë po e përdorin me të madhe pilulën që parandalon shtatzëninë e padëshiruar brenda 72 orëve në një akt të pambrojtur. "Sidomos në vitet e fundit është një kërkesë në vazhdimësi duke u rritur sepse është kah përdoret në mënyrë pak ma të madhe, dhe shumë ma shpesh sesa është e nevojshme dhe shumë ma e shpeshtë sesa është e rekomandueshme", tregon kështu, gjinekologu, Driton Prenaj, njofton Klan Kosova. Për më tepër gjinekologu Prenaj thekson se krahas grave që janë në lidhje martesore, vajzat e reja të moshës 18-22 janë duke e përdorur me të madhe kontraceptivin 72 orësh dhe jashtë çdo rregulli. "Kam pasur paciente që i ka marr 7 tableta në muaj, sepse shtatë herë ka dalë me të dashurin e saj edhe shtatë herë e ka përdorë, e cila është jashtë çdo rregulli", bën me dije ai. E rekomandimet thonë krejt diçka tjetër, dhe tamam në raste emergjente. "Pilula emergjente mund të pihet një në gjashtë muaj apo dy në vit", thotë Liridona Beqa-Bokshi, farmaciste. Padyshim efektet anësore janë të mëdha kur aplikohet në mënyrë të pakontrolluar pilula emergjente, njëra si e më e rënda që e tregon farmacistja, Liridona Beqa-Bokshi është se ajo mund të ndikojë deri në fertilitet, në mosshtatzëni e probleme me qelizën vezë dhe të tjera. https://www.youtube.com/watch?v=h_FhtEtsw7U