Vajza e porsalindur në Angli, regjistrohet me gjininë e gabuar

Një vajzë e porsalindur në Nottinghamshire do të duhet të jetojë me gjininë e gabuar të shënuar në certifikatën e saj të lindjes, për shkak të një gabimi nga regjistruesi, të cilin prindërit nuk mund ta korrigjojnë. Grace Bingham dhe partneri i saj, Ewan Murray, ishin të lumtur për të regjistruar fëmijën e tyre të parë në Zyrën e Regjistrimit në Sutton-in-Ashfield javën e kaluar, transmeton klankosova.tv. Por, pas netësh me gjumë të ndërprerë, ata nuk vunë re se regjistruesi kishte shënuar seksin e gabuar në certifikatë deri pasi ajo ishte dorëzuar. ''U tmerruam, por menduam se, duke qenë se e vumë re gabimin disa sekonda pasi ndodhi, do të ishte e lehtë ta korrigjonim'', tha Murray. ''Por, megjithëse regjistruesi kërkoi falje për gabimin – dhe menaxheri rajonal gjithashtu kërkoi falje – rezulton se certifikatat e lindjes nuk mund të ndryshohen''. Prindërit sipas the guardian, tani përballen me vështirësitë që do të sjellë ky gabim për vajzën e tyre në të ardhmen, ndërsa kërkojnë një zgjidhje të mundshme për të rregulluar situatën.