Ushqimet ideale për një gjumë më të qetë

Ekspertët shëndetësorë nuk preferojnë ushqimin para gjumit, por rekomandojnë që të shmangen ato që kanë yndyrë të lartë. Ka disa ushqime që mund të konsumohen para se të flini, siç është molla me gjalpë kikiriku, transmeton Klankosova.tv. Ky kombinim nuk përmban shumë kalori, por mjafton për të na mbajtur të ngopur gjatë natës. Yndyrat e shëndetshme në gjalpin e kikirikut mund të ndihmojnë që të mos ndihemi të uritur gjatë natës. Edhe kosi me fruta të thata mund të konsumohet para gjumit, madje është më i rekomanduar. Ky kombinim mund të hahet kur keni neps për gjëra të ëmbla dhe mund t’u ndihmojë që të bëni gjumë më të qetë.