U zgjuan në mëngjes, me luanin te fytyra

Nuk është aspak e këndshme që të zgjohesh me një luan te fytyra, sidomos kur ishte e paraparë që të shijosh pushime relaksuese në Botswana, shkruan Daily Mail, transmeton Klan Kosova. Këta dy turistë përjetuan shokun e jetës së tyre kur i hapën sytë dhe i panë dy luanë të mëdhenj, që po qëndronin jashtë tendave të tyre. Fatmirësisht, atyre po u pëlqente që t’i lëpinin tendat e turistëve e nuk ishin të interesuar për mish. Francie Francisca Lubbe dhe partneri i saj, ia dolën që të rrinë plotësisht të heshtur përderisa po prisnin se çfarë do të ndodhte, a do t’iu hynin luanët në tendë apo jo. Duke folur me zëra të ulët, ata kishin vështruar luanët tek lëpinin pikat e ujit mbi tendën e tyre. Përderisa shumë njerëz do të kishin bërë panik e do të ishin tmerruar nga prania e luanëve, ajo ia kishte dalë që t’i xhironte e madje t’i fotografonte ata.