Tubimi partiak: VV e Banjës pret Kurtin me këngë për Limajn (VIDEO)

Investime milionëshe sipas kryeministrit në detyrë, Albin Kurti, u bënë në Malishevë, ani se kjo komunë konsiderohet si bastion i një partie tjetër. Madje në vendin ku ky po fliste për këto shifra, u dëgjuan këngë kushtuar Fatmir Limajt të Nismës Socialdemokrate. E me Valon Hotin që potencialisht mund të vijë në krye të komunës pas 12 tetorit, u premtua transformim. Veç ujit e rrymës, i zgjedhuri për kryetar komune nga VV, u zotua për goxha investime, ku siç tha do ta kthejë vendimmarrjen tek qytetarët, e jo siç pretendon që është tani. Pasi premtoi edhe stacion të ri të autobusëve, qendër multifunksionale e ndërmarrje lokale, Hoti prezantoi 30 kandidatët për asamblistë. E pas fjalimeve e fotografive, mysafirët u përcollën me daulle. Detaje nga kronika e zgjeruar: https://www.youtube.com/watch?v=Tuvl91r9BJo