Lajmet e fundit
Komisioni Disiplinor dhe i Etikës i Federatës së Futbollit të Kosovës, ka vendosur që Drita të dënohet me katër ndeshje pa tifozë dhe 1500 euro gjobë, pas tollovisë që është krijuar në gjysmëfinale të Kupës së Kosovës.
Pas përfundimit të kësaj ndeshjeje, tifogrupi i Dritës “Intelektualët” kanë gjuajtur gjësende të palejuara ndaj lojtarëve të Prishtinës, dhe gjithashtu kaluan rrethojat duke depërtuar në fushë, duke u konfrontuar me zyrtarët e klubit gjilanas.
“Pas përfundimit të kësaj ndeshje, tifozët e klubit FC Drita manifestuan sjellje të ashpra, josportive e të cilat dëmtojnë autoritetin sportiv të futbollit. Sjelljet e tyre duke u manifestuar me gjuajtje të gjësendeve të palejuara në drejtim të lojtarëve të klubit FC Prishtina, përafërsisht rreth 25 shishe PVC, ashtu që tifozët e FC Dritës kalojnë rrethojat, duke depërtuar në fushë dhe konfrontuar drejtpërdrejtësdrejti fizikisht me zyrtarët e klubit FC Drita”, thuhet në vendim.
Në këtë takim që u zhvillua në stadiumin sintetik në Gjialn, fitore shënoi klubi i Prishtinës me rezultat 1-0, duke kaluar në finale të kësaj gare.
Në finale klubi prishtinas takohet me Ballkanin që eliminoi klubin e Suharekës. /Klankosova.tv.
