Tërshani: Snajperistët kanë luajtur një rol të veçantë në Banjskë (VIDEO)

Gazetarja Qendresa Tërshani ka zhvilluar një reportazh rreth Njësisë Speciale Intervenuese. E ftuar në emisionin Info Magazine në Klan Kosova, ajo ka treguar për eksperiencën e saj me pjesëtarët e kësaj njësi gjatë kohës sa ka punuar për ta realizuar reportazhin. “Ka qenë gatishmëria dhe profesionalizmi në mënyrën më të mirë për arsye se e kemi parë, ndoshta edhe ai emocioni që ta jep kur je bashkë me ta në terren kur ata zhvillojnë aksionet”, ka thënë Tërshani. “Kemi parë atë pjesën e snajperistëve që për neve ka qenë shumë e veçantë. Janë përmendur snajperistët gjatë kohës së sulmit në Banjskë që kanë luajtur një rol shumë të veçantë dhe që kanë pasur goxha shumë ndikim që njësia elite të fitojë karshi terroristëve serbë”, ka shtuar gazetarja. Tutje, ajo ka treguar se njësitë elitare i kanë treguar asaj detaje se si duhet të neutralizohen disa terroristë në rast se vijnë në një objekte dhe e uzurpojnë atë sikur në rastin e Banjskës. Ndër të tjera, Tërshani ka theksuar se pjesëtarët e NjSI-së janë shumë profesionistë dhe bashkëpunues me gazetarët. Më poshtë mund ta ndiqni edhe reportazhin e gazetares Tërshani për NjSI-në. https://www.youtube.com/watch?v=3sTVSSj8bSQ https://youtu.be/nwgd3h-8cF8