Lajmet e fundit
Tendenca e re e flokëve "Olsen Tuck" ka fituar një vëmendje të madhe dhe është pranuar me entuziazëm në New York Fashion Week.
Ky stil, i frymëzuar nga motrat binjake Mary-Kate dhe Ashley Olsen, ka arritur të bëhet një nga momentet më të përfolura të sezonit, transmeton klankosova.tv.
Flokët e mbledhura dhe të fshehura nën jakën e madhe, që dikur ishte vetëm një detaj i stilit të përditshëm të motrave Olsen, tani janë bërë një manifest i elegancës dhe thjeshtësisë që është përqafuar nga dizajnerët dhe modelet që janë prezantuar në pistë.
Në New York Fashion Week, shumë koleksione kanë adoptuar këtë stil, duke e përdorur për të theksuar veshjet me jakë të gjerë ose pallto të trasha.
Ky look ka shpërthyer në TikTok dhe është shndërruar në një "must-have" për adhuruesit e modës, duke sjellë një frymë të freskët dhe praktike për ato që kërkojnë elegancë pa komplikuar shumë stilin e flokëve.
"Olsen Tuck" është tani një simbol i thjeshtësisë moderne, dhe duket se do të vazhdojë të mbetet një trend i fuqishëm për sezonet që vijnë.
