Telashet shkollore, ankohen në dhunë, bojkotohet mësimi (VIDEO)

Paralajmërimet e bojkoti i mëhershëm nuk kryen punë. Ndaj prindërit e nxënësve të një klase të dytë në shkollën ''Hasan Prishtina'' në Prishtinë, të hënën nuk i futën përsëri fëmijët në klasë. Ata po kërkojnë që të merren masa ndaj një nxënësi në atë klasë që ka sjellje agresive, e që javën e shkuar u kacafyt me një shok klase. Prindërit që preferojnë të mbesin anonim pasi ndihen të rrezikuar edhe nga familjarët e nxënësit, u takuan të hënën edhe me drejtoreshën e shkollës, por Klan Kosovës nuk iu mundësua mbulimi i tij. E kur mbaroi, prindërit e 25 nxënësve, dhanë afat për zgjidhje veç deri në fund të javës, dhe nëse nuk merren masa do të vazhdojnë me hapa të tjerë revoltën e tyre. Në pritje të një zgjidhjeje, mësimi u ishte bojkotuar një javë edhe në fillim të këtij gjysmëvjetori. https://www.youtube.com/watch?v=3bIz4L9Eni0