Nga kjo e premte, në varrezat e Kralanit pushojnë edhe trupat e tetë shqiptarëve që u vranë e masakruan aty 26 vjet më parë, e që u gjetën në një varrezë masive në Bishtazhin të Gjakovës.
Pikërisht në përvjetorin e asaj dite të tmerrshme, martirët që u dërguan sot me arkivole, u nderuan nga qindra njerëz, raporton Klan Kosova.
Para tyre u përkulen edhe shumë personalitete politike e publike.
Kryetari i Komisionit Qeveritar për Personat e Pagjetur, Andin Hoti, e ndjeu më shumë se kurrë dhimbjen e familjarëve. Madje e pati të vështirë të flasë.
Në akademinë përkujtimore, që u mbajt në sallën e sportit ‘’Adem Jashari’’, i pari i Klinës, Zenun Elezaj, para familjarëve e ngriti zërin edhe njëherë për drejtësi.
Familjarët pranuan se tash ndjehen më të lehtësuar, mirëpo, një ndarje e dytë nuk u përjetua lehtë.
Krahas trupave të Sheremet Ismailit , Adem Gashit, Sahit Gashit, Bekim Hasanit, Osman Fejzës, Shekelzen Hajdarajt dhe Bekim Gashit që u varrosën në kompleksin memorial “Kodrat e Kuqe” në Grabanicë, Mentor Myrtaj u varros në Jashanicë të Klinës, ndërsa Vehbi Halilaj e Mentor Kryeziu u varrosën ne Llapçevë e Bubavec të Malishevës. /Klankosova.tv
https://www.youtube.com/watch?v=HFEa6KvRELc
●●●
LGSHKRIMI NGA
L. Ga.
Editorial nga Klan Kosova — ndjek video lajme dhe zhvillimet e tjera kryesore të vendit.
