Të paktën 14 të vdekur gjatë operacionit izraelit në kampin e refugjatëve në Bregun Perëndimor

Të paktën 14 persona janë vrarë gjatë operacionit në vazhdim të Forcave të Mbrojtjes të Izraelit në kampin e refugjatëve Nur al-Shams në Bregun Perëndimor të pushtuar.

Kështu tha Ministria palestineze e Shëndetësisë.

Autoritetet palestineze thonë se kanë mundur të nxjerrin një numër trupash dhe njerëzish të plagosur nga kampi, pasi Frocat izraelite (IDF) është tërhequr pjesërisht nga zona.

Videot e filmuara nga banorët tregojnë një buldozer që shkatërron një ndërtesë ndërsa automjetet e IDF largohen nga kampi pas më shumë se 24 orësh nga bastisja.

Të shtunën, IDF tha se forcat e saj vranë 10 "terroristë" dhe arrestuan tetë të dyshuar të kërkuar gjatë operacionit të gjerë, i cili filloi të enjten.

Ministria e Shëndetësisë dhe agjencia palestineze e lajmeve Wafa, ndërkohë, kanë thënë se të paktën një fëmijë dhe një adoleshent janë në mesin e të vrarëve dhe se IDF ka arrestuar të rinj në masë dhe ka shkatërruar infrastrukturën kryesore.

Operacioni duket të jetë një nga më të mëdhenjtë në Bregun Perëndimor që nga 7 tetori, shkruan CCN, transmeton Klankosova.tv.