“Superpuna”, konsiderohet e pamjaftueshme dhe që nuk ofron siguri (VIDEO)

U krijua me synim rritjen e punësimit të të rinjve. Është platforma “Superpuna” që Qeveria e Kosovës lansoi në javën e parë të shkurtit, parasheh që në 6 muajt e parë të paguhet 264 euro secili që fiton një punë të re. Ani se mirëpret hapjen e vendeve të punës, një praktikë e tillë sipas Bashkim Mustafës, profesor i ekonomisë, nuk garanton siguri, njofton Klan Kosova. Subvencionimi mujor sa paga minimale, është i pamjaftueshëm për Dhomën e Tregtisë dhe la jashtë kuadrot deficitare. Fjalë të mira për skemën e garantuar të punësimit nuk kanë as opozita. Për Ferat Shalën e PDK-së kjo është veç një mashtrim i radhës i ekzekutivit. E sipas ministrit të Punës Hekuran Murati nga 6 deri më 12 shkurt janë regjistruar 1 mijë punëkërkues në këtë platformë. *Klikoni KËTU për t’u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS. https://www.youtube.com/watch?v=qHhBDsqCL_E