Lajmet e fundit
Malisheva pret sot Llapin në xhiron e 12-të të Superligës së Kosovës.
Malishevasit që pak javë më parë kryesonin tabelën, nuk njohin fitore që tri xhiro, pas një humbjeje dhe dy barazimeve radhazi.
Në anën tjetër, Llapi nuk ka fituar që katër xhiro, pasi njeh dy barazime dhe dy humbje.
Shtatë përballjet e tyre të fundit në Superligë kanë nxjerrë fitues – pesë herë ka fituar Malisheva, dy herë kanë triumfur llapjanët. Prandaj, mbetet të shihet nëse njëra prej tyre do t’u kthehet fitoreve sot.
Takimi transmetohet LIVE në platformën Art Motion në kanalin Sport 1.
