Skuadra italiane shumë afër transferimit të Albion Rrahmanit

Sulmuesi i Kosovës, Albion Rrahmani, është shumë pranë transferimit te skuadra e Serie A, gjatë afatit kalimtar të verës.

Sipas raportimeve të fundit, Rrahmani ka arritur marrëveshje personale me klubin italian Venezia dhe tashmë mbetet që klubet të finalizojnë detajet e transferimit, ndërsa raportohet se skuadra italiane ka ofruar 7 milionë euro për 25-vjeçarin, transmeton Klankosova.tv.

Il @VeneziaFC_IT è sempre più vicino ad Albion Rrahmani: si lavora all'intesa con lo Sparta Praga https://t.co/D31dnLAwul

— Gianluca Di Marzio (@DiMarzio) June 29, 2026

Bomberi kosovar, i cili vazhdon të tërheqë vëmendjen me paraqitjet e tij, shihet si një përforcim i rëndësishëm për skuadrën italiane në prag të sezonit të ri. Rrahmani aktualisht është pjesë e skuadrës Sparta Pragë, ku në sezonin e fundit ka zhvilluar 49 ndeshje ndërsa ka arritur të shënoj 16 gola. Nëse marrëveshja mbyllet me sukses, kjo do të jetë një tjetër hap i rëndësishëm në karrierën e Albion Rrahmanit, i cili vazhdon të jetë një nga sulmuesit  që ka një të ardhme të ndritur para vetës.