Shoku i bëri presion për të blerë biletën e lotarisë, fiton 150 mijë dollarë

Një burrë nga Virxhinia e ShBA-së tha se duhet të bëjë ca falënderime, pasi bleu biletën e tij të parë të Powerball - dhe fitoi çmimin prej 150 mijë dollarësh. Danny Johnson u tha zyrtarëve të Lotarisë së Virxhinias se ai ishte gjithmonë skeptik për lojërat e fatit dhe se u thoshte miqve të tij se ato janë humbje kohe dhe parash. Ai shtoi se një mik filloi t'i thoshte që të blinte një biletë Powerball kur çmimi i parë arriti nivele historike në fillim të nëntorit, kështu që u dorëzua dhe bleu një biletë. "Unë pashë numrat fitues dhe thashë, 'Hej, unë kam disa prej tyre'", kujton Johnson. “Nuk e dija se sa  kisha fituar sepse nuk kam luajtur kurrë”. Bileta e tij përfundoi duke përputhur katër numra, duke i dhënë atij një çmim prej 50 mijë dollarësh që u shumëfishua në 150 mijë dollarë falë zgjedhjes së opsionit Power Play. Johnson tha se nuk ka plane të menjëhershme për fitimet e tij, por ai po konsideron një dhuratë surprizë për mikun që i bëri presion për të blerë biletën e tij.