Rritja e çmimeve, inflacioni 13% shqetëson qytetarët (VIDEO)

Agjencia e Statistikave të Kosovës ka publikuar “Indeksin e Harmonizuar të Çmimeve të Konsumit” për muajin gusht 2022. Sipas ASK-së, inflacioni i muajit gusht është rritur për 0.2 përqind në krahasim me muajin korrik të vitit 2022, ndërsa 13 përqind nëse krahasohet me gushtin e vitit të kaluar. Siç thuhet në njoftim, lëndët djegëse si drutë e peleti janë shtrenjtuar për 6.3 përqind në krahasim me muajin e kaluar. 3.6 përqind janë ngritur çmimet për djathë dhe vezë, mallra dhe shërbime për shtëpi 2.3 përqind, ndërsa çmimi i bukës dhe i drithërave është rritur për 0.6 përqind. Sipas ekonomistëve, kjo është barrë e rëndë për buxhetin familjar, teksa masat e qeverisë për inflacionin i shohin të pamjaftueshme. https://www.youtube.com/watch?v=VedYvJAEWZg