Rooney mbron Ronaldon, kritikon yjet e Portugalisë: Pse nuk po gjykohet Bruno Fernandes?

Legjenda angleze Wayne Rooney ka dalë në mbrojtje të Cristiano Ronaldos pas barazimit të Portugalisë ndaj Republikës Demokratike të Kongos në Kupën e Botës 2026.

Sipas ish-sulmuesit të Manchester United, kritikat ndaj Ronaldos janë të padrejta, pasi ai nuk mori pothuajse asnjë shërbim nga shokët e skuadrës gjatë ndeshjes.

“As Bruno Fernandes dhe as Bernardo Silva nuk krijuan asnjë rast të pastër për Cristianon gjatë gjithë takimit. Madje, përveç se nuk krijuan raste, ata nuk arritën të shënonin as vetë”, u shpreh Rooney.

Ai vuri në pikëpyetje edhe trajtimin e mediave ndaj performancave të lojtarëve të tjerë portugezë.

“Nuk e kuptoj pse ka thirrje që Ronaldo të lihet në stol kur ai nuk po furnizohet me topa. Bruno duhej të ishte lojtari më i mirë i Portugalisë në këtë Botëror, madje konsiderohej kandidat për Topin e Artë të turneut. Çfarë bëri ai në këtë ndeshje dhe pse media nuk po e gjykon me të njëjtat standarde?”, deklaroi Rooney.