Lajmet e fundit
Thibaut Courtois, David Alaba dhe Dani Carvajal do të udhëtojnë në Gjermani për ndeshjen e parë gjysmëfinale të Ligës së Kampionëve të Real Madridit kundër Bayern Munich të martën mbrëma.
Carvajal nuk do të jetë në gjendje të luajë kundër gjigantëve të Bundesligës.
Kjo pasi ai është i suspenduar për shkak të kartonit të verdhë historik që mori kundër Manchester Cityt në ndeshjen e dytë të çerekfinales.
Alaba, ndërkohë, nuk do të luajë më këtë sezon për shkak të një dëmtimi ACL të cilin e mori në dhjetor.
Courtois është në prag të kthimit nga një operacion i dytë në gju i sezonit, me belgun që mund të luajë kundër Cadiz fundjavën e ardhshme, por ai nuk pritet të përfshihet kundër Bayernit.
