Raketa SpaceX lëshohet ndërsa astronautët e bllokuar përgatiten për kthimin në tokë

SpaceX ka lëshuar një raketë që ka ekuipazh të ri në Stacionin Ndërkombëtar të Hapësirës (ISS) si pjesë e një plani për të sjellë në shtëpi astronautët Butch Wilmore dhe Suni Williams. Dyshja duhej të qëndronin në ISS vetëm për tetë ditë, por për shkak të problemeve teknike me anijen eksperimentale kozmike me të cilën erdhën, ata kanë qenë atje për më shumë se nëntë muaj. Astronautët do të fillojnë udhëtimin e tyre të kthimit në tokë dy ditë pasi të mbërrijë ekuipazhi i ri. Steve Stich, menaxher i programit të ekuipazhit komercial të NASA-s tha se ishte i kënaqur me perspektivën. “Butch dhe Suni kanë bërë një punë të shkëlqyer dhe ne jemi të ngazëllyer për t'i rikthyer ata”, tha ai. Astronautët, së bashku me kolegët e tyre të punës në ISS, Nick Hague i NASA-s dhe kozmonauti Roscosmos Aleksandr Gorbunov, do të zëvendësohen nga katër astronautë, nga Rusia, Japonia dhe dy nga ShBA-ja. Do të ketë një dorëzim dy-ditor, pas së cilës ekuipazhi i vjetër do të fillojë udhëtimin e tyre të kthimit në Tokë. Por mund të ketë një vonesë të vogël të mëtejshme, pasi ata presin që kushtet në Tokë të jenë të përshtatshme për një rihyrje të sigurt të kapsulës së kthimit, sipas Dana Weigel, menaxhere e programit ISS, shkruan BBC, transmeton Klankosova.tv.