QKUK: Stop thonjve e aksesorëve për mantelbardhët (VIDEO)

Thonjtë e zgjatur e bartja e aksesorëve nga personeli shëndetësor, janë evidentuar si disa nga shkaktarët që kontribuojnë në përhapjen e infeksioneve brenda-spitalore. Të paktën kështu thuhet në raportin e 2022 të cilën e ka nxjerrë Ekipi për Kontroll dhe Parandalim të Infeksioneve Spitalore në QKUK, raport ky që ka dhënë rezultate shqetësuese sa i përket infeksioneve, raporton Klan Kosova. Lidhur me këto tashmë është e informuar edhe U.D. drejtoresha e ShSKUK-së, Narqize Arënliu-Hoxhaj, për të cilat thotë se do të veprohet. "Është etikë e secilit nga ne, sidomos ne që punojmë në institucione shëndetësore, dukja jonë si nga ana fizike dhe nga ana e higjienës. Me ekipin që u takuam, edhe ata e shprehën këtë pakënaqshmëri edhe jemi në diskutim për marrjen e masave", tregon Arënliu-Hoxhaj. Edhe Shoqata për të Drejtat të Pacientëve të Kosovës (PRAK) konsideron se stafi shëndetësor nuk është aty për t'u dukur bukur, por pacientëve iu intereson shërbimi e jo thonjtë e gjatë, grimi dhe veshja, gjë për të cilën edhe PRAK kërkon nga kompetentët veprime të shpejta. Madje nga një hulumtim që ka bërë Shoqata e Pacientëve, del edhe një e dhënë tjetër më shqetësuese. 77% e pacientëve nuk e kanë parë asnjëherë mjekun e tyre duke i pastruar duart. Derisa raporti i infeksioneve intraspitalore të vitit paraprak, për të cilën ka raportuar televizioni muaj me parë, edhe për të parën e SHSKUK-së nuk është i kënaqshëm në përgjithësi, për çka edhe ka formuar një Komision si hierarki më të lartë. /Klankosova.tv *Klikoni KËTU për t’u bërë pjesë e kanalit zyrtar të Klan Kosovës në Viber. *Klikoni KËTU për ta shkarkuar aplikacionin e Klan Kosovës në Android, dhe KËTU për iOS. https://www.youtube.com/watch?v=3ou7g4_-iiI