QKUK s’ka “Tenofovir” për pacientët me Hepatit B (VIDEO)

Ka një javë që terapia për pacientët me Hepatit B po mungon në Klinikën Infektive. E, janë 680 pacientë që trajtohen me tabletën “Tenofovir” që tanimë nuk është e disponushme për ta, raporton Klan Kosova. Ndërprerja e terapisë, sipas infektologut Arben Vishaj, mund të sjellë përkeqësime. Nga kjo klinikë bëjnë me dije se kjo është hera e parë që brenda 5 viteve të fundit shënohet kjo mungesë e terapisë për Hepatit B. Tableta “Tenofovir” në tregun privat kushton nga 50-80 euro. Mirëpo sipas përgjigjes së ShSKUK-së, nuk duket që furnizimi do të jetë i shpejtë me këtë bari jetik, meqë sipas tyre për produktin në fjalë nuk ka pasuar asnjë ofertues të interesuar, dhe tani e njëjta procedurë është ri-iniciuar. /Klankosova.tv https://youtu.be/X3DDTDW53oE