Pyetjet më të çuditshme të parashtruara në intervistë pune për Google

Google është një nga kompanitë më të suksesshme në botë. Por edhe një nga ndërmarrjet ku për një konkurrs pune në të, duhet të përgjigjesh në pyetjet  prej më të çuditshmeve, transmeton Klan Kosova. Përdoruesit e Quora (një website ku pytjet dhe përgjigjjet bëhen brenda komunitetit), disa prej anëtarëve të cilët kanë qenë edhe ish kandidatë për punë në Google, kanë postuar online disa prej pyetjeve që kjo kompani u kishte bërë në testin për punë. Këto janë disa prej pyetjeve më të çuditshme të kompansë Google: Sa pika karburanti janë në të gjithë Amerikën? Sa topa të golfit mund të futen në një autobus shkollor amerikan? Hartoni një plan evokimi për San Franciscon. Sa herë në ditë akrepat e orës janë mbi njëra-tjetrën? Sa fshesa korrenti prodhohen për çdo vit në Amerikë? Vlerësoni se sa është numri i studentëve në vitin e parë, i nxënësve që ndjekin shkollat katëvjeçare, të diplomuarit që kanë një punë për çdo vit në Amerikë? Sa shkallë është këndi midis akrepit që tregon orën dhe minutin, nëse ora shënon 15:15? Ju jeni kapiten i një anije piratësh, dhe ekuipazhi i juaj duhet që të bindet se si të ndahet ari që ju keni vjedhur. Nëse më pak se gjysma e piratëve nuk bien dakord me ju, ju vdisni. Si do i’a bënit që ju si kapiten të fitoni shumicën e arit të vjedhur dhe njëkohësisht të mos vdisni?