Punonjësja padit shefin pse i dërgoi urim për ditëlindje sa ishte në pushim mjekësor

Një punonjëse e departamentit të Të Ardhurave dhe Doganave (HMRC) në Britani të Madhe, e cila u ankua pasi shefi i saj i dërgoi një kartolinë për ditëlindje, ka fituar gati 30 mijë euro dëmshpërblim për ngacmim. Kani Toure ishte e sëmurë nga stresi i lidhur me punën kur ajo “shpjegoi qartë” se donte që korrespondenca të mbahej në minimum dhe përmes emailit, u tha në një gjykatë punësimi, raporton “The Telegraph”, transmeton Klankosova.tv. Por pavarësisht se i tha shprehimisht menaxherit të saj se nuk donte të shënonte ditën, asaj iu dërgua një kartolinë për ditëlindjen. Një gjykatës arriti në përfundimin se kjo ishte “sjellje e padëshiruar” dhe se “kontakti i përsëritur” që ajo mori ndërsa ishte e sëmurë ishte ngacmim. Pasi fitoi 10 pretendime për ngacmim dhe diskriminim për racën dhe aftësinë e kufizuar, Toure u shpërblye me mbi 30 mijë euro kompensim, përfshirë gati 24 mijë euro për dëmtim të ndjenjave. /Klankosova.tv