Punonjësit e qendrës së riciklimit gjejnë unazën e humbur me diamant

Punëtorët në një qendër riciklimi në Karolinën e Jugut kaluan orë të tëra duke gërmuar nëpër përmbajtjen e një koshi me materiale të riciklueshme për të gjetur një unazë martese me diamant të humbur nga një banor. Melanie Harper vizitoi qendrën e riciklimit të Rutherford Road të dielën dhe unaza e saj e dasmës me diamant i ra nga gishti teksa po depozitonte materialet e saj të riciklueshme në një kosh. Harper i dërgoi departamentit të Punëve Publike të qytetit një email duke thënë: "Unë e di se gjasat për ta gjetur këtë janë të pakta. Por, nëse unaza gjendet gjatë procesit të përpunimit të riciklimit, do të isha shumë mirënjohës nëse dikush mund të më kontaktonte". Punonjësit e Punëve Publike vendosën që kur mbërritën të hënën ta hidhnin koshin në tokë dhe të zgjidhnin përmbajtjen e tij në përpjekje për të gjetur unazën e Harperit. "Pas orë të tëra kërkimi, Travis Golden gjeti ar. Ari i bardhë", thanë nga kompania. Harper u thirr në qendër ku ajo u ribashkua me unazën e saj.