Punimet në Ibër, "Ura" - shëtitore kryhet para 1 janarit (VIDEO)

Krahu i djathtë ka avancuar goxha, ndërsa i majti pritet të marrë formë gjysmërrethi së shpejti. Kur të dyja anët të rregullohen dhe e gjithë struktura të përfundohet, do të formojnë një urë, e cila, sipas ndërtuesit, nuk ka shoqe në Kosovë dhe goxha përtej saj, transmeton Klankosova.tv. Kjo urë e re mbi lumin Ibër, që po bëhet vetëm për këmbësorë, dhe guri i themelit të së cilës u hodh në korrik, pritet të përfundojë në fillim të vitit të ardhshëm. Struktura, ani se e papërfunduar, po zgjon kureshtje tek mitrovicasit dhe jo vetëm tek të rriturit. Për të u interesuan edhe disa filloristë të klasave të ulëta të shkollës fillore “Musa Hoti” nga ky qytet. Kjo urë është e dyta që po ndërtohet mbi lumin Ibër këtë vit. E para, që shfrytëzohet edhe për kalim me makina, u hap më 1 shtator. Mes dyjave qëndron ura ikonike, lidhësja e dy anëve të Mitrovicës, e cila nuk u lëshua për qarkullim të automjeteve që nga paslufta. /Klankosova.tv https://www.youtube.com/watch?v=eko-SdsZelc