Lajmet e fundit
Raporte nga Franca sugjerojnë se Paris Saint-Germain ka kontaktuar Napolin për të diskutuar mundësinë e transferimit të sulmuesit nigerian, Victor Osimhen, në merkaton e janarit.
Sipas RMC Sport, një kërkesë e parë është bërë nga përfaqësuesit e lojtarit për të parë nëse ai është i hapur për një kalim në Paris.
PSG ishte një nga favoritët për të nënshkruar me Osimhen gjatë verës, por refuzoi të paguante shumën prej 100 milionë eurosh që kërkonte Napoli.
Më pas, ai ishte afër një kalimi te Chelsea dhe një transferimi në Ligën Profesionale të Futbollit të Arabisë Saudite, por të gjitha këto mundësi dështuan, duke e çuar atë në një huazim te Galatasaray për sezonin aktual.
Sidoqoftë, PSG mund të rikthehet për sulmuesin nigerian gjatë dritares së transferimeve të janarit, sidomos nëse Randal Kolo Muani lejohet të largohet, duke i hapur kështu vend për Osimhenin.
Situata duket e ndërlikuar, pasi Galatasaray kërkon pagesë për të ndërprerë huazimin sezonin e ardhshëm, dhe mbetet për t'u parë nëse Napoli do të pranojë një ulje të klauzolës prej 90 milionë eurosh.
Sulmuesi 26-vjeçar ka qenë në formë të shkëlqyer në Turqi, duke shënuar 10 gola dhe 5 asistime në 14 ndeshje konkurruese, shkruan Football-italia.net, përcjell Klankosova.tv.
