Psikologia Doruntina Murturi ka folur për arsyet pse disa persona ende e kanë mendjen tek ish-partnerët.
Në emisionin “Shoqet” në Klan Kosova, ajo ka përmendur disa prej faktorëve, duke përfshirë edhe fëmijërinë, transmeton Klankosova.tv.
“Në aspektin psikologjik, faktorët janë të ndryshëm, duke u nisur nga mënyra se si është rritur një fëmijë, pastaj bëhet një i rritur i obsesionuar, si edhe prej modeleve jo të shëndetshme që i sheh në lidhjet përreth”, ka thënë Murturi.
Ajo ka pohuar se ka persona që qëndrojnë në një lidhje toksike për shkak se nuk mund të menaxhojnë emocionet e veta dhe lidhshmërinë që kanë krijuar me partnerin apo partneren.
“Kjo varet nga mënyra se si është rritur një person dhe si i përpunon emocionet e veta, sepse nganjëherë shkëputja emocionale, madje edhe nga emocionet negative, krijon lidhje toksike dhe obsesione, nga të cilat personi nuk mund të heqë dorë, edhe kur lidhja ka qenë e dëmshme”, ka thënë Murturi.
Murturi theksoi se disa çifte ndahen për shkak të mungesës së komunikimit që kanë. /Klankosova.tv
https://www.youtube.com/watch?v=BIdrYjjYkVc
●●●
LGSHKRIMI NGA
L. Ga.
Editorial nga Klan Kosova — ndjek të tjera dhe zhvillimet e tjera kryesore të vendit.
