Pritjet nga seanca, partitë të mos abuzojnë me Kuvendin (VIDEO)

Deputetët e zgjedhur të Kuvendit të Kosovës të martën do të shkojnë në seancë për të zgjedhur kreun e këtij institucioni. Pika e parë, pas dhënies së betimit të legjislaturës së nëntë në atë seancë, është propozimi i emrit për kryetar të parlamentit. Por nëse kjo nuk bëhet nga Vetëvendosje si parti fituese që e ka të drejtën ekskluzive, meqë nuk konsideron se i ka 61 vota, atëherë seanca ndërpritet. Por jo pafundësisht si në të kaluarën. Kjo përsëritet çdo dy ditë, deri në votimin e kryekuvendarit çka konsiderohet e panevojshme. Instituti Kosovar për Drejtësi apelon që partitë e deputetët të jenë parimorë. Vetëm pas zgjedhjes së kryetarit, e nënkryetarëve përfshi edhe ata të pakicave, atëherë nisin të rrjedhin afatet për mandatarin e qeverisë. https://www.youtube.com/watch?v=ScFgJ9_BRDQ