Prishtina - Drita, derbi i javës së 20-të

Federata e Futbollit të Kosovës, e ka publikuar orarin ndeshjes së xhiros së 20-të. Derbi kryesor i javës zhvillohet mes Prishtinës dhe Dritës, të shtunën rreth orës 17:00. Po të shtunën, Suhareka do ta kërkojë këndelljen nga humbja e thellë në Kupë prej Prishtinës, me një fitore eventuale ndaj Dukagjinit, i cili po ashtu u eliminua nga Kupa, por që ka shumë nevojë për pikë. Të dielen pritet të zhvillohen dy ndeshje. Ballkani do ta vizitojë Gjilanin, i cili po ashtu ka nevojë për pikë për t’i ikur pjesës së poshtme të tabelës. Edhe therandasit i kanë bërë llogaritë e tyre dhe s’guxojnë të gabojnë nëse duan ta ndjekin hapin me titullin pasi aktualisht e shohin veten shtatë pikë prapa lideres, Drita. Llapi është në kërkim të pikëve pas njërës prej serive më të zeza në histori të tij. Llapjanët do ta vizitojnë Feronikelin 74, për të cilin, një humbje eventuale do të thoshte edhe dorëzim për të mbetur në ligë.