Përgjigjia e Islandës për lumturinë: Natyrë, barazi dhe qëndresë

Ishulli i Islandës është një nga vendet e pakta në botë ku lumturia po rritet.

Në raportin më të fundit të Lumturisë Botërore për vitin 2025, Islanda ka regjistruar një rritje prej 9.1% që nga viti 2008, duke u renditur si vendi i tretë më i lumtur në botë, krahasuar me vendin e 18-të në vitin 2008, transmeton klankosova.tv.

Suksesi i Islandës lidhet me natyrën e saj, barazinë gjinore dhe një ndjenjë të thellë të qëndrueshmërisë.

Edhe pse ka një popullsi të vogël, Islanda vazhdon të investojë në infrastrukturë dhe politika sociale progresive, ndërkohë që bukuritë e natyrës, si parqet kombëtare dhe hapësirat e gjera për ecje, janë një nga faktorët kryesorë që kontribuojnë në lumturinë e islandezëve.