Përdori tampon, mbeti pa njërën këmbë

Lauren Wasser ka vuajtur përvoja traumatike pas përdorimit të tamponëve. Ajo kishte filluar të përdorte tamponë në vitin 2012. Wasser filloi të ketë perioda normale deria përdorte tamponë ndërsa shtoi se gjithmonë e ndryshonte tamponin më shumë se një herë në ditë. Më 3 tetor 2012 ajo nuk ndihej mirë gjatë natës kështu që ajo vendosi të shkojë për të fjetur. Ditën tjetër kur ajo u zgjua, nëna e saj e  thirri policinë sepse sa herë që ajo trokiste në derën e dhomës së saj nuk merrte një përgjigje. Lauren më pas i tha nënës së saj se ishte në gjumë dhe nuk po ndihej mirë. Pastaj Wasser shkoi për të fjetur atë ditë dhe pas disa ditësh u zgjua në spital, transmeton Klan Kosova. Ajo kishte pësuar sulm të zemrës dhe dështim të organeve vitale dhe mjekët madje u detyruan edhe t’ia amputonin këmbën. Fillimisht mjekët nuk e dinin shkakun e këtyre sëmundjeve por më pas panë se vajza kishte të vendosur tamponin në kohën që ajo po flinte dhe më pas dërguan tamponin për testim ku edhe zbuluan se kishte materie toksike. Këto materie toksike ose sindromi toksik është një komplikim i rrallë i cili mund të rrezikojë edhe jetën pasi shkakton infeksione bakteriale. Dhe ndonjëhere infeksionet janë aq të rënda sa mund të shkaktojnë gangrenë. Në këtë rast, jeta e Lauren ishte në rrezik por falë intervenimit të shpejtë mjekësor, ajo shpëtoi ndonësë këmbën i’u desh t’ia amputonin. Lauren po përpiqej të bëhej modele dhe ajo akoma po tenton të bëhet modele, ndonëse ajo ka kryer transplant të këmbës.