Për shkak të dashurisë së pamundur një çift tenton vetëvrasjen në Taj Mahal

Një çift i ri kanë të vetëvriten në oborrin e monumenti të dashurisë, në Taj Mahal në Indi. Policia ka thënë se të rinjtë – një hindu dhe në mysliman, kishin vendosur t’i jepnin fund jetës pasi që familja e tyre nuk po i lejonte të martoheshin për shkak të përkatësisë fetare. Ata janë gjetur të përgjakur, por se tani janë në gjendje stabile shëndetësore. “Vaja i ka prerë arteriet e gjakut, e po ashtu edhe djali”, ka thënë policia, raporton BBC, transmeton Klan Kosova. Gazeta The Times of India, e kanë cituar djalin i cili ka thënë se ata të dy ishin përpjekur që t’i bindnin prindërit e tyre që ata të ndryshonin mendje dhe ti lejonin të martohen, por që barrierat e religjionit vazhdonin të qëndronin stoike. “Ne kemi provuar ta vrasim veten për shkak se e kemi parë këtë si të vetmen mënyrë për të qenë bashkë”, ka thënë ai. Monumenti Taj Mahal ishte ndërtuar nga perandori Mughal Shah Jahan si shenjë dashurie për gruan e tij Mumtaz Mahal në shekullin e 17. Ky vend është pika më e frekuentuar nga turistët në Indi.