Për ju që sonte festa ju gjen pa më të dashurit tuaj

Festat si kjo e Vitit të Ri përjetohen me ata që i duam më së shumti. Por gjatë jetës ndodh t’i humbim disa prej tyre. Dikush nënë, dikush babanë, dikush motrën, dikush vëllain, dikush bashkëshortin, dikush bashkëshorten. Prandaj, kur humbje të tilla trazojnë vitin tonë, atëherë festat më shumë ngjajnë të na mërzisin se të na mbushin gëzim. Por, ju sot mos e lini pikëllimin t’ju pushtojë, dhe kthejeni mendjen kah pasuria që ata ju kanë lënë. Kështu që: - Festoni që i kishit në jetë - Festoni që do t’i keni përjetë në mendje - Festoni duke qeshur sepse lumturia juaj ishte lumturia e tyre