Lajmet e fundit
Kapiteni i Romës, Lorenzo Pellegrini, nënvizoi emocionet dhe mentalitetin e skuadrës përpara duelit të tyre vendimtar në çerekfinale të Ligës së Evropës me Milanin.
Roma fitoi ndaj kuqezinjve me rezultat 1-0, në takimin e tyre të parë javën e kaluar, duke u dhënë atyre një avantazh të lehtë përpara ndeshjes së kthimit në Stadio Olimpico të enjten. P
Duke folur në një konferencë për shtyp, Pellegrini fillimisht theksoi se si po e menaxhon skuadrën e Romës si kapiten.
“Këto janë gjërat që ne i vendosim së bashku me klubin, ka qenë një moment i veçantë i sezonit ku kam vuajtur nga lëndimet, dhe kjo ka ndikuar edhe tek unë në nivel mendor. Por gjatë sezonit mund të ndodhë, por unë kam qenë gjithmonë i pranishëm për Romën dhe për shokët e mi”, u shpreh Pellegrini
“Është e vështirë ta bësh skuadrën të kuptojë se sa të rëndësishme janë ndeshjet e tjera, por jo të nesërmen. Ne luajmë për net si ajo e nesërmja, me një stadium që do të na shtyjë të japim pak më shumë”.
“Ata do të vijnë këtu për të kaluar raundin, por edhe Roma e dëshiron këtë pas lojës së shkëlqyer në Milano. Dhe ne mund ta përsërisim këtë nëse nuk e bëjmë edhe më mirë”.
Pellegrini foli për dëshirën e De Rossit që skuadra të tregojë ‘Romën e vërtetë’.
“Unë mendoj se kjo është ajo që trajneri dëshiron të na përcjellë, por ai e tha këtë frazë më shumë duke iu referuar herëve të tjera ku mendohet se ndeshjet e tjera janë më pak të rëndësishme”.
“Trajneri donte të thoshte që ato ndeshje të lejojnë të mbërrish vitin e ardhshëm për të luajtur kundër skuadrave me të cilat do të donim të përballeshim. Është më shumë çështje mentaliteti të luash si kundër Milanit ashtu edhe kundër një ekipi tjetër në të njëjtën mënyrë”.
