Pedofili udhëheq oganizatën që ndihmon fëmijët e abuzuar

E pabesueshme por e vërtetë, një pedofil i  dënuar pas lirimit nga burgu po  udhëheq një  organizatë  që ndihmon fëmijët e abuzuar. Ai vuajti  një dënim prej 10 vjetësh burg për pedofili, raporton Dvenik.hr, transmeton Klan Kosova. Avokati i Popullit në Kroaci thotë se i ka paralajmëruar organet kompetente për këtë problem të bezdisshëm, por këta të fundit nuk e dëgjuan. Pedofili i dënuar është bashkëthemelues i organizatës që merret me mbrojtjen e fëmijëve nga abuzimi seksual. Ai tregon se për të kaluarën e tij të gjithë janë të vetëdijshëm. "Unë jam president i organizatës për mbrojtjen e të drejtave të njeriut, unë kam qenë 10 vjet në burg, unë u dënova për shpërdorim të dy vajzave të reja," thotë ai. Njëra është një vajzë e vogël për të cilën gjykata ka konstatuar se ai e ka shfrytëzuar seksualisht, ndersa me tjetrën ka pasur marrëdhënie seksuale. Ai ka një vit që është jashtë grilave. Kur e pyetën se si tani  i mbron të drejtat e fëmijëve kur ishe në burg për shkak të abuzimit e tyre , ai u’a ktheu "Ku është problemi?".