Pavarësisht se u rinovua, Foda e pranon se “Fadil Vokrri” nuk është në gjendjen më të mirë

Trajneri i kombëtares së Kosovës, Franco Foda, e ka pranuar se fusha e sapo rinovuar e stadiumit “Fadil Vokrri” nuk është në gjendjen më të mirë.

Foda në konferencë për media tha se pavarësisht që fusha nuk është në gjendjen më të mirë të mundshme, përparësia, sipas tij, është se Kosova luan në shtëpi dhe e ka publikun në krah.

“Si për ekipin, ashtu edhe për mua është hera e parë që po luajmë në këtë fushë. Fusha nuk është në mënyrë përfetke, nuk është në gjendjen më të mirë të mundshme, por jemi në shtëpi, e kemi publikun dhe dëshirojmë të japim me këtë lojë energji të re”, tha Foda, njofton Klankosova.tv.

Për ndeshjen e nesërme ndaj Rumanisë foli edhe sulmuesi i Kosovës, Vedat Muriqi, i cili tha se është shumë e rëndësishme për “Dardanët” që Ligën e Kombeve ta nisin me fitore.