Pas ndërprerjes misterioze për miliona përdorues në mbarë botën, rikthehet Google

Google është rikthyer në funksion pasi ra të premtën për mijëra përdorues në mbarë botën. Siç raporton Metro.co.uk, përcjell Klankosova.tv, Gmail dhe Google News gjithashtu duket se u prekën. Përveç në Mbretërinë e Bashkuar, problemet janë raportuar gjithashtu në SHBA dhe Australi, sipas uebsajtit Down Detector. Miliona kërkime në Google bëhen çdo minutë, ndërsa shërbimi i postës elektronike i kompanisë Gmail mendohet të ketë më shumë se 1.8 miliardë përdorues. YouTube, një tjetër produkt i njohur i Google, duket se nuk është prekur. Kompania nuk ka komentuar ende për problemet.