Paralajmëron Ramos: Nuk vij në Meksikë për të shëtitur, por për të fituar tituj

Mbrojtësi spanjoll, Sergio Ramos tha të dielën se nuk po vjen në futbollin meksikan për të shëtitur dhe se ka nënshkruar për Rayados de Monterrey me idenë për të fituar tituj. “Unë nuk po vij në Meksikë për të bërë një shëtitje. Unë jam një person që nuk lodhet kurrë së fituari në futboll dhe nuk jetoj në të kaluarën. Po kërkoj trofe dhe mundësi të reja ", tha lojtari 38-vjeçar në një konferencë për shtyp para prezantimit të tij me klubin nga Monterrey, transmeton Klankosova.tv Ramos e ka pranuar se ka pasur oferta të shumta në tetë muajt e fundit dhe se vetëm ajo nga Monterrey e ka bindur sepse i ofron ekuilibrin që i nevojitet në këtë fazë të karrierës së tij.