Lajmet e fundit
Pritja e gjatë e Chelseat për fituesin e çmimit Lojtari i Muajit në Premier League më në fund i është dhënë fund nga Cole Palmer.
Sulmuesi anglez mori çmimin për prillin pasi realizoi shtatë gola në vetëm katër ndeshje.
Palmer e hapi muajin duke shënuar një hat-trick, duke përfshirë golat në minutat e 100-të dhe të 101-të, teksa Chelsea fitoi ndaj Manchester United në një thriller me shtatë gola.
Ndërkohë në fitoren e të Kaltërv ndaj Evertonit me rezultat 6-0, ai realizoi tre gola brenda 29 minutave dhe më pas të katërtën nga penaltia.
Palmer me ndikim të jashtëzakonshëm pati gjithashtu një asistim për Noni Madueke në barazimin 2-2 ndaj Sheffield United.
E premtja shënoi herën e parë që 22-vjeçari fitoi çmimin e lojtarit të muajit në Premier League.
Palmer është lojtari i parë i Chelseat që e fiton çmimin e lojtari të muajit që nga Eden Hazard tashmë i pensionuar - i cili u largua nga klubi në vitin 2019. Ish-futbollisti belg mori çmimin në shtator 2018.
